Canal 
Eman $ 110
💜
- Mezu elektronikoa eskerrak emanez
- Kredituetan aipamena
- Zure izena gure sare sozialetako eskerren atalean agertuko da
- Dossierra
> 08 Aldi bereko finantzakideak
Proiektu honi buruz
Asko Falta Da? film laburrak errealitate jakin bat azaleratzen du, genero indarkeria salatuz.
Beharren zerrenda erakutsi
Eginkizuna
|
Gutxienekoa | Hobeezina |
|---|---|---|
|
Banaketa
Film laburra festibal desberdinetara zabaldu nahiko genuke.
|
$ 17,596 | |
|
Gestio gastuak
Jasotako ekarpenen gestio kostua, Goteoren komisioa eta bestelako administrazio gastuak.
|
$ 3,299 | |
|
Bidaltze gastuak
Ordain sarien bidaltze gastuak.
|
$ 6,599 | |
|
Aktoreak
Aktore bakoitzari eguneko 150€ ordaindu nahi dizkiegu 8 orduko lan jardunagatik. Bost aktorerekin egin dugu lan, haietako hiruk 3 egunez egin dutenez lan 450€ kobratu beharko lituzkete. Beste bi aktorek, 2 egunez egin dutenez lan 300€ bakoitzak.
|
$ 43,991 | |
|
Soinu Banda
Soinu disenatzaileek 100€ kobratuko lituzkete, eta gainerako musikariek 50€ 4 orduko lan jardunagatik.
|
$ 10,998 | |
|
Ekipo Teknikoa
Asko Falta Da? film laburra 7 pertsonako lan-taldeak osatzen du. Lanean aritu diren guztiei ordaintzea gustatuko litzaiguke, proiektua aurrera eramateko egin den lan eta esfortzu guztiagatik.
|
$ 52,789 | |
|
Gestio gastuak
Kopuru optimoa lortzeko, jasotako ekarpenen gestio kostua, Goteoren komisioa eta bestelako administrazio gastuak.
|
$ 4,399 | |
|
Diseinu lanak
Poster-ren, kamixeten eta tote bag-en ilustrazio desberdinak egiteko diseinatzaile bat kontratatu dugu.
|
$ 4,399 | |
|
Post-produkzioa
Film laburraren soinuaz eta etalonajeaz arduratzen direnei ordaindu nahi diegu.
|
$ 15,397 |
Azpiegitura
|
Gutxienekoa | Hobeezina |
|---|---|---|
|
Dietak
Ekipo teknikoarentzako eta aktoreentzako janaria eta edaria grabaketa egunetan.
|
$ 9,898 | |
|
Garraio Gastuak
Ekipo teknikoaren eta aktoreen desplazamenduak, peajeak, gasolina..
|
$ 12,097 | |
|
Lokalizazioa
2 lokalizazio desberdin, bat 150€-ko akilerrarekin eta bestea 250€.
|
$ 8,798 |
Materiala
|
Gutxienekoa | Hobeezina |
|---|---|---|
|
Materiala eta atrezzo
Eszenaratzeko eta grabatzeko materiala.
|
$ 3,299 | |
|
Ordainsariak
Kamisetak 400€
Totebag 100€
Poster 100€
|
$ 13,197 | |
| Guztira | $ 65,986 | $ 206,756 |
Nahitaezkoa
Gehigarria
Informazio orokorra
Asko Falta Da? genero indarkeria salatzen duen film laburra da.
Ez da monstruoa, izakia da, gazte bat da, laguna, semea, klasekidea, lehengusua, bizilaguna… eta gainera mutil oso jatorra da.
Goazen genero indarkeria ez mitifikatzera, ez estereotipatzera. Oso barneratuta daukagu ezetza, ezetza dela. Baina, ezetzik egon ez bada zer? Beldurrak, edo dena delakoak, eragindako baiezkoa bada? Galdetu ez bada? Erantzunik egon ez bada? Erreakzionatzeko ezintasuna egon bada? ZER?
Are gehiago, ulertzeko zailena dena… sarketarik egon ez bada? Zer?
Kasu horietan ere… Bortxaketa da!
Horien guztien izenean, errealitate jakin bat azaleratzen du ASKO FALTA DA? film laburrak. Bizitako esperientzia erreala da. Kontatzen dena benetan gertatu da, eta gertatu zen moduan kontatuko da.
Oinarrizko ezaugarriak eta helburuak
Gidoiaren lehenengo bertsioa duela urtebete jaio bazen ere, aurreprodukzioan apiriletik maiatzera ibili ginen buru belarri. Grabaketa fasea ere bukatu dugu jada, orain, postprodukzioan lanean ari gara eta behin ikus-entzunezkoaren emaitza edukita, hedapenaren faseari garrantzia emango diogu.
Gazteak eta ikasleak izanda ez dugu inolako baliabiderik eta dirua lortzeko premia sentitzen dugu. Gure bekoki izerdiaz egiten ari garen lanari aukerak eman nahi dizkiogu, idazle batek irakurria izateko idazten duen bezala, guk ikusiak eta entzunak izan nahi dugu. Nekez lortuko dugu hori proiektuaren banaketari gogor ekiten ez badiogu. Crowfoundingak hori finantziatzeko bitartekoak emango dizkigu, are gehiago, proiektua banatu aurretik ezagutzera ematen lagunduko du. Modu honetan, proiektua partekatuz, eta ondorioz, apurtxo bat bada ere, denona eginez. Azken finean, behar kolektibo batetik jaiotzen den ideia, kolektiboki ulertu eta gauzatu behar baita.
Finantziazio kanpainarekin hurrengo gastuei aurre egitea ezinbestekoa deritzogu:
- Aurreprodukzio zein grabaketa fasean egindako inbertsioa berreskuratu (materiala eta atrezzoa, garraio gastuak, dietak…)
- Film laburra zabaltzea.
Borondatez eta gogotsu sartu gara proiektuan, kasu honetan, gure zuzendariaren gidoia ekoiztu dugu, eta sortzaileak garenez, sortzen jarraitu nahi dugu. Izan ere, ordainsaririk espero gabe gure indar guztiak jarri ditugu proiektua aurrera ateratzeko, baina asmoa ez da askotan nahikoa izaten. Horregatik lan baldintza duinak bermatu nahi ditugu. Denbora asko eman dugu lanean eta oraindik ere horretan jarraitzen dugu. Helburu minimoa lortuta, ezin hobea izango zen gure nahiak osotasunean asetzea:
- Aktoreen lana ordaintzea.
- Lantalde osoaren lana ordaintzea (argazki-zuzendaria, zuzendaria eta zeuzendari-laguntzailea, ekoizlea, gafferra, soinu-zuzendaria eta arte zuzendaria)
- Soinu bandaren lana ordaintzea
- Lokalizazioa
Zerk bultzatzen zaitu eta zeini zuzenduta dago proiektua
Bizipen pertsonal batek eragiten du Asko falta da? gidoiaren lehenengo hitza idaztea. Baina aurrera eramatearen erabakia ez da hartzen biktima bakarragatik. Gertatu izan diren eraso guztien izenean egiten dugu, oraindik ere gertatzen direlako… Protagonista edozein izan daitekelako.
Emakumeok, aurrerapausoak ematen ari garen bide honetako helmugak urrun jarraitzen du. Horrek erantzun ezin den galdera dakar: Asko falta da?
Gurasoekin oporretan doan umetxoaren ezjakintasunean babestuta agian, behin eta berriz galdetzeak lasaitzen gaitu, hurrengoan aurrekoan baino gutxiago faltako delako.
Ez dakigu zenbat falta den, baina gehiegi da dagoeneko. Asko da oraindik jasaten duguna eta hori azaleratu nahi dugu.
Asko falta da erasoa bukatzeko? Asko falta da erreakzionatzeko? Jakina, asko faltako da begirada albo batera bota ezkero. Axolagabeak deseroso sentiarazi nahi ditugu errealitatearen gorditasunaz, eta beldurtuak besarkatu nahi ditugu ahizpatasun izpi batez.
Edonor izan daiteke bortxatzailea, edonor izan daiteke bortxatua.
Zazpi gaztek osatzen dugu taldea. Mondragon Unibertsitatean, Ikus-entzunezko komunikazio graduko hirugarren mailan gaude. Bakoitzak bere pelikulak sortu ditu bere buruan eta zinemaren maitaleak izanda, pelikula horiek ekoitzi eta ikusgarri egin nahi ditugu, gureak sortuz. Profesionaltasunaren eta pertsonalaren nahaste osasuntsu batek bultzatuta, lehenengo aldiz aritu gara zazpiak lanean. Sortutako batasuna eta elkarzaintza oinarri… espero dugu azkena ez izatea!
Ane Cuesta Monge
Asko Falta Da? film laburraren gidoilaria eta zuzendaria da.
“12 minutos” film laburraren zuzenadaria eta gidoilaria ere izan da eta gainera Huhezinemako XIV. edizioan sari bat irabazi du. 2019ko urtarrilean “Biluzten” izeneko poesia bilduma autopublikatu zuen. Orain, aurreprodukzioan dagoen “Hain Txikia” film laburraren zuzendari eta gidoilari lanetan dabil.
Iraia Irazusta Mujika
Film labur honetako zuzendari laguntzailea da. “Hamar Urtez” dokumentalean gidoilari lanak egin zituen, eta eduki eta formaren arduraduna izan zen. Gaztea irratiko esatari eta sare sozialetako laguntzaile gisa ibili da.
Malen Trenado Goenaga
Film laburraren ekoizlea eta komunikazio arduraduna da. “Hamar Urtez” dokumentalean ekoizpenaren arloan, grafismoan eta argiztapenean ibili zen. Akhonmedia Producciones enpresan bideo edizio lanak eta zuzeneko errealizazio lanak egin ditu.
Iñaki Lizarraga Aranzabal
Asko Falta Da? film laburraren argazki zuzendaria da.
“12 minutos” film laburrean argazki zuzendaritza eta kamara operadore lanak egin zituen, baita AZK Komunikazio Taldean hainbat ikus-entzunezko ere.
Beñat Goia Ciganda
Film laburraren kamera operadorea eta muntatzailea da. Argazkilaritzarekin lotutako lanak egin ditu, baita bideoklipak ere. Gaur egun Burutik taldearekin dabil ikus-entzunezko edukia sortzen. “Hamar Urtez” dokumentalean argazki zuzendaritzaren, kamera operadorearen eta muntatzailaren rolla jorratu zuen. TAOM enpresarentzako lanean aritu zenean, Naiz kontzetuetako after moviea egin zuen.
Irina Alvarez Moreira
Asko Falta Da? film laburraren soinu arduraduna da. Musikako gradu profesionala du eta Euskal Herriko Gazte Orkestran ibilitzeaz gain, NKT taldeko musikaria da. “12 minutos” film laburrean zuzeneko soinuaren arduraduna izan zen. Goieana Komunikazio Taldean teknikari lanak egin ditu.
Garikoitz Barandiaran Arrieta
Film laburraren arte zuzendaria eta grafista da. “Hamar Urtez” film laburrean soinu, musika eta dron irudien ardura izan zuen. Jasan taldeko bateri jolea da eta musikarekin lotutako hainbat ekoizpen egin ditu. Arteman Komunikazio Taldean ibili da grabazio eta edizio lanak burutzen.
Giza konpromezua
Kultura sortzea
Genero desberdintasunak eraginda, emakumeok jasaten dugun eraso bat salatzea. Mintzen gaituenarekin merezi duen edukia sortzea nahi dugu, guk geuk ikusle bezala kontsumitzea gustatuko litzaiguken kultura.
Objetivos de Desarrollo Sostenible
-
Igualdad de género
Lograr la igualdad entre los géneros y empoderar a todas las mujeres y las niñas