Canal 
Aportando £ 6
¡Colaboro!
Agradecimiento personalizado en la web del proxecto.
Desgravarías 5,6 € por lo que tu gasto real puede ser 1,4 €. Más info: https://gl.goteo.org/calculadora-fiscal
> 06 Cofinanciadores
Traballo rematado, polo momento
02 | 03 | 2024
Remata o día 29 de febreiro. Rematáramos de plantar TODAS as árbores. Estabamos a facer un mapeo da #LeiraAMontán e a natureza despedíase así, con ese arco da vella. Que máis se pode pedir?
No primeiro plano podedes ver algunhas das árbores recén plantadas. Son castiñeiros da variedade xudía do viveiro Hifas da Terra. Teñen uns 2 metros de altura e están micorrizados con Boletus edulis. Nesta leira fomos plantando máis dun cento de castiñeiros coma este, outro cento procedentes doutros viveiros e algunha cousa máis.
O mes de febreiro foi intenso. O palista coa súa retroexcavadora fixo as buratas retirando un metro cúbico de material e, de seguido, meteu medio metro cúbico de terra da mellor calidade; normalmente da flor da leira; esa terra máis rica en material vexetal do desbroce anterior, máis fértil e de mellor calidade. Un par de semanas despois alugamos unha mini-retroexcavadora e cubrimos con máis terra esas buratas.
Durante a última semana, xunto cun par de axudantes, plantamos. Ao estar a terra removida a tarea facilitouse moito. En total, nas catro leiras do noso proxecto plantamos 860 árbores. Nesta leira da Montán, coa que colaborastes mediante este crowdfunding, as árbores que puxemos son:
- 155 castiñeiros xudía do viveiro Hifas da Terra (micorrizados)
- 35 castiñeiros xudía de Viveiros de Portugal (Maçedo de Cavaleiros)
- 50 castiñeiros xudía do Viveiro Ribeirao (Monfero, A Coruña)
- 15 castiñeiros negral de Hifas da Terra (micorrizados), para axudar coa polinización
- 82 abelairas do Viveiro Ribeirao
- 20 bibueiros micorrizados de Hifas da Terra
- 27 pistacheiros de AgroCastanea (Cáceres)
Si, os números (e os custes) son superiores ao previsto cando fixemos a campaña de crowdfunding. Axulstamos o marco de plantación, descubrimos que a leira seguía máis alá do primeiro desbroce e aínda puidemos mercar unha leiriña veciña máis. Case 400 árbores onde ata hai uns meses había silveiras, xestas e algún carballo. Aínda plantaremos algunha cousiña máis, se temos tempo.
O de escoller plantas de diferentes viveiros é para minimizar posibles problemas e non fialo todo a un provedor. Ademais, os castiñeiros micorrizados son moi caros e compensamos o custe inicial intercalando castiñeiros máis baratos. Tamén é certo que a calidade da terra da leira é diferente nos lombeiros que nas cañadas, polo que deixamos para estas últimas a planta mellor para que a micorriza teña máis posibilidades de prosperar.
Queda agora o día de portas abertas que estamos programando para o 6 de abril. Aí, todos os padriños e madriñas poderedes vir baptizar a árbore da vosa escolla. Recibiredes información ampliada por correo electrónico. E moito traballo por diante, claro está.
- fertilización con abono mineral para cada árbore no momento de xermolación
- gradeado da leira para desfacer os amoreamentos de material que hai agora e deixala preparada para o resto do ano
- instalación do rego por goteo
Todo iso xa será na primavera. Polo momento, descansemo e gocemos do feito.
Comentarios
Inicia sesión para dejar un comentario